Fossemøllingsklaseepler

Du må ha funne ei god vassåre,

du gamle gardsepletre

på plassen min.

Sjølv i tørrsumaren 2018

bærer du flotte eple

i klasar.
Fylde av søtleik,

vert dei vonom,

lik druer

i Grekenland.

Tippoldefaren min

og tipp-tipp-oldefaren

til døtrene mine

åt av

fruktene dine.

No er søtleiken din

den siste lekkja

mellom han og oss.

Du gledde han

då han var gamal,

og oss

no når du er gamal.

Takk og takk!

Den siste søtleiken

etter denne grenda

er epla dine no.

Eg nyt denne søtleiken

i store betar,

som eg tygg lenge på,

medan eg undrast over

kvifor vi gav avkall
på han?

-Flickr.