Takhøgd

Haugianarne tykte du gjorde

døra for høg

og porten for vid,

du rosenianar i Holmstadengen,

men då hadde dei ikkje

vore på soverommet ditt,

der du svav saman med

far din og syster di

frå Spydeberg.

Her var ikkje vidare til takhøgd,

og du måtte krøkje deg godt

då du gjekk gjennom

soveromsdøra di,

etter ein lang arbeidsdag

i gråsteinsjorda.

Kan hende var det difor

forkynninga di fekk slik ei

stor takhøgd?

Eg vonar det ikkje var deg

Inger Lise Rypdal

frå Skreia,

hadde i tankane,

då ho song om bedehusfolket?

For hadde menneskevenen Erik Bye

kome hit,

i stortida di,

ville han bøygd seg

i støvet.