Geitramsvollen

Her på vesle vollen i Grythengen

køyrde oldefar min vekk

fjortenhundre hestelass med stein.

Ein bragd det var,

du var litt av ein kar,

eg fekk veta det av far.

Låven din er borte no,

det same med dyra som beitte her,

kulturlandskapet forfell,

men framleis står geitramsen

og prisar verket ditt.

Noreg er ikkje meir ein kulturnasjon,

då vi ikkje lenger vil ha kulturberarar,

vollar med beitedyr

og nærande gardstun.

Vi vil berre ha bunkrar, 

høgspentgater,

og pumpehus.

Om nokre år er òg geitramsen borte,

eten opp av skogen.

Best ville det vera om han åt opp

heile landet vårt,

då vi ikkje lenger er det verdig.

Men geitramsen er verdig vollen din,

humlene gler seg over han,

der dei summar so fint,

i lag med songen frå Olterudelva

nedom vollen din.

-Flickr.