Byrgskap

Kjære oldefar min,

eg kan berre ane kva for byrgskap

du kjende,

då du satt her i godkroken

i finstova

åt apostelen din.

Di hadde kvar dykkar eng

hand i hand

etter Olterudelva,

og ingen bølla med dykk

i kommunen,

slik som då eg ynskte meg

den vetle skjermingshaugen min.

Men å rasere

grendestigen og seterstigen

mellom Holmstadsveen og Hongsetra,

der di vandra,

det er greit.

Di levde etter generative prosessar,

evolvert gjennom århundra,

med gamal teknologi,

som var dykkar.

No vert grenda mi

forma av politiske prosessar,

og dei er illsinte av di

eg ikkje lovprisar

dei politiske prosessane deira,

som dei tykkjer er høgda

av menneskeslekta

si utvikling.

Eg vanvyrder dei,

men fell på kne for dykk to

rurale gigantane og husmannssønene,

som satt her i lag

i godkroken i Holmstadengen.

Di hadde alt di,

engene dykkar,

teknologien dykkar,

og trua dykkar.

Diverre kan eg ikkje overlate

enga mi

til døtrene mine,

av de det ikkje lenger

finst noko av byrgskap her.

Dei har teke ifrå engene våre

all autonomi,

all kultur og retrovasjon,

alt kva di var

i kvar einaste celle

og tanke.

-Flickr.